«Беларусь спрабуе весці дыялог, спрабуе знайсці пункты судакранання з любой з краін-суседак. Як гаворыць наш Прэзідэнт: «Суседзяў не выбіраюць, яны ад Бога», — сказаў Аляксандр Вальфовіч. 

«Мы нядаўна бачылі над сваёй тэрыторыяй БПЛА, бачылі, што яны накіраваліся ў бок Польшчы. Мы зрабілі жэст, загадзя папярэдзілі кіраўніцтва Польшчы. Нешта мы збілі на сваёй тэрыторыі, нешта не змаглі, але мы гэта кантралявалі і бачылі і мы паінфармавалі Польшчу. У палякаў была поўная разгубленасць і негатоўнасць да гэтага — у краіны, якая хоча лічыць сябе першай у Еўропе ў ваенным плане», — нагадаў ён. 

«Палякі замест таго, каб канструктыўна сказаць дзякуй, наладзіць дыялог і аб’ектыўна разабрацца ў прычынах, узялі і на тыдзень закрылі граніцу. Каму яны зрабілі горш? Перш за ўсё сабе, свайму насельніцтву», — канстатаваў Дзяржсакратар Савета бяспекі. 

«Літоўцы глядзіце што робяць: закрылі пункты пропуску. Больш за 1,5 тыс. літоўскіх грузавікоў засталіся на беларускай тэрыторыі», — звярнуў увагу ён на дзеянні ўлад Літвы. 

Аляксандр Вальфовіч паведаміў, што на нарадзе беларускі бок звярнуў увагу калег з краін СНД, што такія дзеянні літоўскага і польскага бакоў з’яўляюцца перш за ўсё пагрозай стабільнасці не для Беларусі, а для іншых дзяржаў, чые грузы ідуць з Усходу на Захад і назад.