Як жывёла аказалася ў людзей

— Яна сама выйшла з лесу да людзей. Заўважыўшы, што жывёла траўміравана, паведамілі нам, — расказвае егер Слабадскога лясніцтва Генадзь Зіновіч.

Паводле яго слоў, казуля была відавочна напалохана і адчувала моцны боль. Яе неадкладна адвезлі да ветэрынара.

Дыягназ і лячэнне

Агляд паказаў, што ў казулі зламаная нага. Гэта сур’ёзная траўма, якая ў дзікай прыродзе практычна не пакідае шанцаў на выжыванне. Аднак дзякуючы своечасоваму ўмяшанню, у жывёлы з’явіўся шанц. Былі выкліканы ветэрынары, якія правялі неабходныя працэдуры. Казулі наклалі гіпс, каб забяспечыць правільнае зрастанне косткі.

Што цяпер з казуляй

Цяпер казуля знаходзіцца пад наглядам работнікаў Слабадскога лясніцтва. Ёй забяспечаны спакой, рэгулярнае харчаванне і ўсё неабходнае для больш хуткага акрыяння. Яе здароўю нічога не пагражае.

— Як толькі сустаў цалкам зрасцецца, казуля будзе гатова да самастойнага жыцця, яе адпусцяць назад у лес, — дадаў Генадзь Эдуардавіч. — Яна яшчэ зусім юная, таму папраўка пройдзе хутка.