Як адзначыў у праекце БелТА «Краіна гаворыць» начальнік галоўнага ўпраўлення раслінаводства Міністэрства сельскай гаспадаркі і харчавання Мікалай ЛЕШЫК, наш заходні рэгіён, Брэсцкая вобласць, ужо пачаў сяўбу лёну, а паўднёвая частка Мінскай вобласці — пачынае цяпер, таму што гэта культура ранняга тэрміну сяўбы.

Актыўна вядзецца падкорм азімых. Што датычыцца Брэсцкай і Гродзенскай абласцей, то яны ўжо больш як палову азімых падкармілі другі раз. Заходнія рэгіёны і паўночная частка Мінскай вобласці на стадыі завяршэння першых падкормак больш, чым паўночныя, усходнія, паколькі вегетацыя ў азімых пачалася крыху пазней і толькі цяпер актыўна ідзе адрастанне карэньчыкаў.

Паралельна ідзе падкорм травы, бо корма нарыхтоўка — мерапрыемства працяглае, падкрэсліў спецыяліст:

— Рыхтуемся да нарошчвання неабходнага ўраджаю. Паралельна ідзе работа па ўнясенню арганікі. Ёсць даручэнне, каб мы максімальна ўнясенне арганікі вызначылі на восеньскі перыяд, але вялікі яго аб’ём запланаваны на вясну, улічваючы той фактар, што восенню вялікі аб’ём работ уборачнай, перавозкі ўраджаю, яго перапрацоўкі, а таксама азімая сяўба. Мы запланавалі ўнесці каля 50 мільёнаў тон. Работы актыўна вядуцца, арганіка ўносіцца, таму што ў палі ўжо, у прынцыпе, тэхніка можа выходзіць. І гэта работа энергаёмістая, яна праводзіцца практычна на працягу месяца.

Мікалай Лешык таксама звярнуў увагу на тое, што пытанні структуры пасеваў краіны цяпер на першым месцы. Па яго словах, асноўныя задачы для сельскай гаспадаркі — забеспячэнне харчовай бяспекі, стварэнне кармавой базы для грамадскага пагалоўя, і цяпер актуальнае пытанне развіцця менавіта сартоў раслін:

— Гэта значыць сам від расліны застаецца той жа, але сарты, якія дзякуючы Нацыянальнай акадэміі навук ствараюцца, ужо больш устойлівыя да неспрыяльных умоў.

Новыя сарты, якія з’явіліся на беларускіх палях, у недалёкім мінулым былі больш цеплалюбівыя, а цяпер адаптаваны да ўмеранага клімату. Гэта і тыя ж самыя кавуны, якія ўжо дзесяцігоддзі вырошчваюцца ў краіне, гэта і вялікая разнастайнасць па ягадных культурах.

— Я думаю, работа нашых вучоных таксама працягваецца, будзем чакаць ад іх новых культур, — выразіў надзею Мікалай Лешык. — Нават і ў кармавых культурах ужо ёсць даволі вялікія станоўчыя зрухі па стварэнню сартоў той жа самай люцэрны. Да гэтага мы нават не меркавалі, што ва ўмовах Рэспублікі Беларусь будзе вырабляцца насенне люцэрны. Адпрацуем тэхналогію, і гэта зноў будзе новая, запатрабаваная ў нас культура.