У рэгулярным чэмпіянаце сталічны клуб дабіўся найвышэйшага рэзультату за ўвесь час выступленняў у КХЛ, заняўшы другую пазіцыю ў Заходняй канферэнцыі. У першым раўндзе плэй-оф дынамаўцы з сухім лікам выйгралі серыю ў маскоўскіх аднаклубнікаў (4:0), але ў чвэрцьфінале Кубка Гагарына таксама ў чатырох матчах уступілі казанскаму «Ак Барсу». Па выніках сезона-25/26 «зубры» размясціліся на лепшым у гісторыі клуба пятым месцы ў агульнай табліцы КХЛ.

«Хацелі ў гэтым годзе зрабіць крок наперад, але ў выніку паўтарылі вынік мінулага плэй-оф. Цікавы сезон са змазанай канцоўкай. Было патрачана шмат сродкаў, таму ёсць над чым падумаць і зрабіць правільныя высновы з памылак. За тры апошнія гады мы шмат дасягнулі, кожны чэмпіянат паднімаліся вышэй. Кантракт у галоўнага трэнера дзейнічае да 31 мая, у нас ёсць час на прыняцце рашэння, — адзначыў Каркоцкі. — У гэтым сезоне „Мінск-Арэна“ сабрала 38 аншлагаў, у клубе прыкладаюць вялікія намаганні, каб балельшчык атрымліваў задавальненне. Вельмі прыемна ўвага фанатаў да гасцявых матчаў, куды часам выязджала цэлая армія аўтобусаў. Гэта заслугоўвае нізкага паклону. Нам удалося змяніць стаўленне людзей да каманды, раней да паражэнняў ставіліся спакойна, а перамогі былі падзеямі. Цяпер усё наадварот».

Таксама генеральны дырэктар расказаў аб рабоце са складам. «Па ходзе сезона мы спрабавалі ўзмацніць каманду, але не змаглі дазволіць усіх, каго хацелі, рынак дыктуе свае ўмовы. Селекцыйная работа вядзецца рэгулярна, нам удаецца знаходзіць брыльянты, якія становяцца ўпрыгажэннямі ўсёй лігі. Але і праблема па захаванні лідараў з’яўляецца штогадовай, ігракоў такога ўзроўню складана ўтрымаць. Прыкладзём усе сілы, каб захаваць касцяк. Тым не менш мы рады таму, што беларусы дарастаюць да ўзроўню НХЛ. Борыкаў і Мароз задрафтаваны, да Пінчука ёсць інтарэс. Мы на сувязі з клубамі за акіянам, нам важна, каб нашы хлопцы гулялі ў добрых умовах. Калі і выязджаць, то ментальна і фізічна гатовымі да вядучых пазіцый. Пакуль усё ў стадыі перагавораў».