Супрацоўнікі паліцыі выявілі ў аўтамабілі 25-гадовага выхадца з Пакістана і грамадзяніна ЗША Лукмана Хана схованку з незарэгістраванай зброяй. Таксама нататнік з рукапіснымі запісамі, у якіх падрабязна апісваўся план выкарыстання зброі для расстрэлу супрацоўнікаў паліцэйскага ўчастка пры Універсітэце Дэлавэра. Сярод запісаў таксама былі знойдзены фармулёўкі з намерам «забіць усіх» і «дасягнуць пакутніцтва» ў выніку масавага расстрэлу.

Пасля арышту ФБР правяло вобыск у доме Хана. Там былі выяўлены незарэгістраваныя вінтоўкі і пісталет, абсталяваны забароненай прыладай, якія ператвараюць яго ў цалкам аўтаматычны кулямёт, здольны рабіць 1,2 тыс. стрэлаў у хвіліну. Таксама былі знойдзены яшчэ адзінаццаць магазінаў для зброі.

Суседзі расказалі следчым, што раней Хан быў прыязным, але ў апошнія месяцы стаў дзіўна «адчужаным». Як паведамляе Spotlight Delaware, да затрымання ў яго не было судзімасцяў.

Цяпер Хан застаецца пад арыштам, яму былі выстаўлены абвінавачванні ў справе аб незаконным захоўванні зброі.