Паліцыя амерыканскага штата Місісіпі паведаміла пра ўцёкі ў выніку ДТЗ небяспечных лабараторных малпаў, якія заражаныя гепатытам С, герпесам і каранавірусам, паведамляе БелТА.
Інцыдэнт адбыўся 28 кастрычніка ў акрузе Джаспер, штат Місісіпі. Грузавік вёз макак-рэзусаў з Тулейнскага ўніверсітэта.
«Прыматы нясуць пагрозу для людзей, яны агрэсіўныя, у іх гепатыт С, герпес і COVID, і для зносін з імі спатрэбяцца сродкі індывідуальнай абароны», — адзначыў кіроўца транспартнага сродку, у якім знаходзіліся жывёлы.
Не ўдакладняецца, колькі малпаў было ў грузавіку.
У паліцыі першапачаткова заявілі, што адна з жывёл усё яшчэ лічыцца зніклай, але пазней з’явілася інфармацыя, што не знойдзены яшчэ тры малпы.
