Паводле яго звестак, сярод прычын — неабачлівасць кіроўцаў снегаўборачных машын, якія пры руху заднім ходам да смерці збілі людзей. Некалькі падлеткаў загінулі, катаючыся на санках у штатах Арканзас і Тэхас. Восем чалавек былі знойдзены мёртвымі на вуліцы ў Нью-Ёрку падчас рэзкага пахаладання ў выхадныя.
Непагадзь справакавала масавае парушэнне падачы электраэнергіі. Паводле заявы ўладаў на месцах, якую прыводзіць агенцтва, на аднаўленне ліній электраперадачы спатрэбіцца некалькі дзён. Яшчэ адзін магутны снегапад можа абрынуцца на раёны ўсходняга ўзбярэжжа ЗША ў канцы гэтага тыдня.
Як перадаваў тэлеканал NBC News, рэжым надзвычайнага становішча абвешчаны ў 23 штатах. Папярэджанне аб неспрыяльных умовах надвор’я закранула 185 млн жыхароў ЗША, больш за 1 млн спажыўцоў засталіся без святла і цяпла. 25 студзеня ў краіне былі адменены больш за 10 тыс. авіярэйсаў.
