Супрацоўнікі наркакантролю Віцебскай вобласці пры падтрымцы байцоў АМАПа затрымалі 41-гадовага жыхара Магілёўскай вобласці, які перавозіў марыхуану. Пра гэта БелТА паведамілі ў МУС.
Было ўстаноўлена, што фігурант напярэдадні з суседняй краіны прывёз каля 4 кг небяспечнага наркатычнага сродку, партыю наркотыку выявілі ў яго аўтамабілі. Мужчына планаваў распаўсюджваць марыхуану праз закладкі ў Мінскай вобласці.
Следчыя распачалі крымінальную справу за незаконны абарот наркотыкаў з мэтай збыту. Затрыманаму пагражае да 15 гадоў пазбаўлення волі.
