«Згодна з новай дзяржпраграмай на 2026-2030 гады запланаваны будаўніцтва, у тым ліку мадэрнізацыя, рэканструкцыя, 13 спартыўных аб’ектаў на тэрыторыі Віцебскай вобласці. Мы працягваем выконваць даручэнні кіраўніка дзяржавы па стварэнні ФАКаў з басейнамі ў кожным раённым цэнтры. На сённяшні дзень застаецца іх узвесці ў чатырох раёнах. У Браславе плануем увесці ў эксплуатацыю сёлета. У Шаркаўшчыне пачнем будаўніцтва і пры паспяховым фінансаванні ў наступным годзе плануем увод у эксплуатацыю. Пасля гэтага будзем будаваць аб’екты ў Бешанковічах і Дуброўна. Паралельна будзем рэалізоўваць яшчэ шэраг мерапрыемстваў», — расказаў Дзяніс Фацееў. 

Датычна папярэдняй пяцігодкі ён удакладніў, што ў вобласці ўсе паказчыкі выкананы ў поўным аб’ёме. «З асноўных аб’ектаў можна адзначыць Лепельскі фізкультурна-аздараўленчы комплекс, які ўведзены ў эксплуатацыю ў 2024 годзе і карыстаецца вялікім попытам у насельніцтва. З непраграмных — новая траса ў Віцебскім вучылішчы алімпійскага рэзерву працягласцю больш як 3,5 тыс. м. Такі падарунак зрабілі для біятланістаў і лыжнікаў, каб прафесійна весці іх далейшую спартыўную падрыхтоўку. Гэта рэканструяваны цір, які належыць СДЮШАР № 3 у Віцебску, які цяпер з’яўляецца асноўнай базай для падрыхтоўкі нашых стралкоў», — сказаў начальнік упраўлення спорту Віцебскага аблвыканкама.