Таксама прысутнічалі начальнік Акадэміі МУС Аляксандр Астрэйка, першы намеснік камандуючага ўнутранымі войскамі — начальнік штаба Аляксандр Быкаў, начальнік ГУУС Мінгарвыканкама Міхаіл Грыб. Пра гэта карэспандэнту «Звязды» паведамілі ў прэс-службе міліцэйскага ведамства.
Удзельнікі форуму падвялі вынікі першых двух этапаў сумесных антытэрарыстычных вучэнняў кампетэнтных органаў краін — удзельніц СНД і ШАС. Прадэманстраваны відэафільмы з дзеяннямі байцоў на тэрыторыях названых дзяржаў у асаблівых умовах.
Затым была практычная частка. У зводнае падраздзяленне спецпрызначэння ўваходзілі прадстаўнікі шасці дзяржаў ШАС і СНД. Непасрэдны ўдзел у адпрацоўцы задач вучэнняў прымалі байцы спецпадраздзяленняў МУС Беларусі.
Паводле задумы, падчас правядзення фіналу міжнароднага турніру па хакеі тэрарысты пад выглядам балельшчыкаў прайшлі ў спарткомплекс, скрытна ўзброіўшыся аўтаматычнай зброяй і гранатамі. Арсенал даставілі загадзя шляхам вярбоўкі асобных асоб. Далей падзяліліся на тры групы і пачалі рух у розных напрамках унутры будынка, адкрываючы агонь. Аператыўна-баявыя групы рушылі на зыходныя рубяжы і прыступілі да штурму лядовай арэны. Вокамгненна байцамі СПБТ «Алмаз» МУС нейтралізаваныя злачынцы, якія знаходзіліся ў прэс-цэнтры, а таксама ў чашы. Заложнікі эвакуіраваныя.
На высокім узроўні спецпадраздзяленні правялі штурм аўтобуса, прадастаўленага тэрарыстам па іх патрабаванні. Аперацыя суправаджалася адцягваючымі выбухамі, а таксама манеўраваннем бронеаўтамабіля і машыны МНС. Заложнікі не пацярпелі.
Яшчэ адна ўступная — нейтралізацыя невялікіх груп незаконнага ўзброенага фарміравання на плавальных сродках, якія праніклі праз дзяржаўную граніцу па воднай роўнядзі. Паводле задумы, злачынцы з выкарыстаннем БЛА і безэкіпажных катараў мелі намер атакаваць крытычна важныя аб’екты. Спецпадраздзяленнем ажыццёўлены пад'ём па трывозе ў паветра ўдарнага беспілотнага лятальнага апарата верталётнага тыпу «Паляўнічы». У аперацыі па затрыманні праціўніка, знішчэнні яго fpv-дронаў і беспілотнага катара ўдзельнічалі мабільныя агнявыя групы ў складзе супрацоўнікаў КДБ і САХРа ўнутраных войскаў МУС Беларусі, байцы цэнтра спецыяльнага прызначэння Федэральнай службы бяспекі Расійскай Федэрацыі на пікапах.
Данііл ХМЯЛЬНІЦКІ
Фота МУС
