Пасяджэнне экспертнай групы па ўзгадненні праекта рашэння Савета міністраў замежных спраў СНД аб базавай арганізацыі дзяржаў — удзельніц СНД у сферы адукацыі дарослых і асветнай дзейнасці адбылося 5 жніўня ў штаб-кватэры СНД у Мінску. Аб гэтым паведамляе БелТА.
У пасяджэнні ўдзельнічалі прадстаўнікі Арменіі, Беларусі, Казахстана, Кыргызстана, Расіі і Выканаўчага камітэта СНД. На сустрэчы эксперты абмеркавалі паступіўшыя ад бакоў папраўкі, дапрацавалі і ўзгаднілі дакумент. Было вырашана ўнесці яго ва ўстаноўленым парадку на разгляд кіраўнікоў знешнепалітычных ведамстваў Садружнасці.
Статус базавай арганізацыі ў сферы адукацыі дарослых і асветнай дзейнасці прапануецца надасць Інстытуту развіцця прафесійнай адукацыі.
Інстытут з’яўляецца падведамнай установай Міністэрства асветы Расійскай Федэрацыі. Яго галоўная задача — павышэнне якасці прафесійнай адукацыі ў Расіі, распрацоўка і ўкараненне інавацыйных адукацыйных тэхналогій.
Інстытут распрацоўвае і рэалізуе праграмы павышэння кваліфікацыі, займаецца метадычным забеспячэннем, праводзіць даследаванні і экспертную дзейнасць у сферы прафесійнай адукацыі.
