У гімназіі № 1 горада Слуцка — найстарэйшай школе Беларусі — адбудзецца першы абласны кадэцкі баль «Рэха стагоддзяў: Навагодні баль мары ў найстарэйшай гімназіі».

Удзельнікамі мерапрыемства стануць лепшыя навучэнцы Барысаўскага кадэцкага вучылішча Мінскай вобласці і Мінскага абласнога кадэцкага вучылішча. Юнакі і дзяўчаты, запрошаныя на баль, — гонар не толькі сваіх сем’яў, але і ўсёй Мінскай вобласці. Для іх гэта свята — заслужаная ўзнагарода за стараннасць у вучобе, спартыўныя дасягненні, актыўны ўдзел у грамадскім жыцці.

На баль таксама запрошаны кіраўнікі абласных структур і ведамстваў, Слуцкага райвыканкама.