З 24 па 31 ліпеня Савецкім раённым аддзелам па надзвычайных сітуацыях сумесна з адміністрацыяй Савецкага раёна г. Мінска праводзіцца комплекс прафілактычных мерапрыемстваў. Рашэнне прынята ў сувязі з ускладненнем аператыўнай абстаноўкі з гібеллю людзей ад пажараў на тэрыторыі раёна.
Мэта мерапрыемстваў — зніжэнне колькасці пажараў, якія адбываюцца з прычыны невыканання грамадзянамі правілаў пажарнай бяспекі ў жылых будынках і збудаваннях.
Ратавальнікі нагадваюць асноўныя правілы бяспекі ў быце:
Электрабяспека
- не перагружайце электрасетку;
- не карыстайцеся няспраўнымі электрапрыборамі і пашкоджанымі разеткамі;
- не пакідайце ўключаныя прыборы без нагляду.
Курэнне
- не курыце ў ложку і ў месцах для сну;
- не кідайце непатушаныя недакуркі ў вёдры для смецця;
- абсталёўвайце месцы для курэння попельніцамі.
Дзеці
- не пакідайце дзяцей без нагляду;
- захоўвайце запалкі і запальніцы ў недаступных для дзяцей месцах;
- рэгулярна нагадвайце дзецям аб правілах бяспекі.
Пажарны апавяшчальнік
- устанавіце аўтаномны пажарны апавяшчальнік у кожным жылым пакоі;
- рэгулярна правярайце яго спраўнасць.
У выпадку пажару тэлефануйце 101 ці 112!
