Паводле папярэдняй інфармацыі, прадстаўленай ратавальнікамі, дзіця знаходзілася каля вадаёма разам з бацькам.

Як паведамілі ў МНС, па словах бацькі, іх з сынам пачало выносіць плынню. Хлопчык патрапіў у вадзяную яму і прапаў пад вадой.

Падчас пошукава-выратавальных работ цела дзіцяці было знойдзена за 10 метраў ад берага на глыбіні каля паўтара метра. Яго дасталі з вады і перадалі брыгадзе хуткай дапамогі, якая канстатавала смерць.

Сям’і загінулага дзіцяці дапамогу аказвае псіхолаг МНС.

Месца, дзе адбыўся няшчасны выпадак, не прызначана для купання і ўваходзіць у пералік забароненых для наведвання.