Гэтая культура, якая расце вакол возера Дунцінху, раней выкарыстоўвалася як сыравіна для папяровай прамысловасці. Аднак пасля закрыцця цэлюлозна-папяровых заводаў у рамках праграмы аховы ракі Янцзы, шырокія зараснікі трыснёга здаваліся бескарыснымі. Але мясцовыя ўлады і вучоныя знайшлі інавацыйныя спосабы яго выкарыстання.

Адным з прарываў стала вырошчванне грыбоў на трысняговым субстраце. У вёсцы Фусін былі пабудаваны сучасныя цяплічныя комплексы, дзе вырошчваюцца некалькі відаў грыбоў. «Уявіце сабе — гэтыя грыбы літаральна сілкуюцца трыснягом!», — з усмешкай тлумачыць фермер Хэ Цзюнь. Паводле яго слоў, з аднаго му (667 кв. м) можна атрымаць даход у 40 тысяч юаняў.

Паралельна развіваецца і перапрацоўка маладых пабегаў трыснёга. Мясцовая кампанія «Бода цяньнэн» наладзіла вытворчасць шырокага асартыменту прадукцыі — ад цукерак да напояў і карысных снэкаў. «Попыт перавышае прапанову, — кажа заснавальнік кампаніі Ян Гашунь, — гадавы абарот набліжаецца да 100 мільёнаў юаняў». Гадавая магутнасць перапрацоўкі маладых пабегаў трыснёга ў горадзе Юаньцзяне складае 25 тысяч тон. Па стане на канец мінулага года агульны кошт адпаведнай прадукцыі дасягнуў каля 3,2 млрд. юаняў.

Навуковыя распрацоўкі адкрылі і іншыя перспектывы выкарыстання трыснёга. Агратэхналагічная кампанія «Аньхуаньвэй» вырабляе з яго прэбіётыкі для здаровага харчавання, лігнін для керамічнай прамысловасці і кампаненты для натрыевых акумулятараў. Гадавы аб’ём выпускаемай прадукцыі кампаніі ацэньваецца ў 300 млн. юаняў.

Трысняговыя зараснікі сталі не толькі прамысловай базай, але і турыстычнай славутасцю — мясцовыя жыхары адкрываюць гасцявыя дамы, дзе турысты могуць пакаштаваць дэлікатэсы з маладых пабегаў трыснёга і палюбавацца маляўнічымі відамі возера.