У корпусе размесцяць дзевяць аддзяленняў

Новы будынак будзе маштабным: 8 паверхаў, каля 58 тыс. кв. м плошчы і амаль 2 тыс. памяшканняў, паведамляе прэс-служба Мінаблвыканкама.

Неабходнасць у асобным хірургічным комплексе звязана з высокай нагрузкай на гэты кірунак. Каля 60% медыцынскай дапамогі, якую аказваюць у абласной бальніцы, прыпадае на хірургічныя ўмяшанні.

У новым корпусе плануюць размясціць дзевяць спецыялізаваных хірургічных аддзяленняў.

Бальніца атрымае больш ложкаў

Паралельна ідзе абсталяванне будучага корпуса медыцынскай тэхнікай. Абсталяванне ўжо закуплена па 300 пазіцыях.

Пасля ўводу аб’екта ў эксплуатацыю ложкавы фонд Мінскай абласной клінічнай бальніцы павялічыцца з 851 да 1085 месцаў.