У ведамстве звярнулі ўвагу, што міжнародныя перавозкі небяспечных грузаў па тэрыторыі Беларусі ажыццяўляюцца з выкананнем патрабаванняў Пагаднення аб міжнароднай дарожнай перавозцы небяспечных грузаў.

Згодна з устаноўленым парадкам, фізічная асоба мае права перавозіць у легкавым аўтамабілі для асабістага выкарыстання вадкае паліва (бензін, дызельнае паліва) у пераносных ёмістасцях (каністрах), якія маюць адпаведную маркіроўку. Максімальна дазволены аб’ём складае не больш за 60 літраў.

Акрамя гэтага, у МНС рэкамендавалі аўтаўладальнікам загадзя ўдакладняць інфармацыю аб лімітах на ўвоз паліва ў канкрэтнай краіне, бо ў сумежных дзяржавах могуць дзейнічаць уласныя дадатковыя абмежаванні па ўвозе і перамяшчэнні паліва ў каністрах.