Супрацоўнікі наркакантролю Маскоўскага РУУС з доказамі злачынства затрымалі 27-гадовага жыхара Мінскай вобласці. Пры ім было выяўлена і канфіскавана 18 скруткаў, у якіх знаходзілася звыш 60 г асабліва небяспечнага псіхатропу — мефедрону.

Як устаноўлена, у пачатку студзеня мужчына прыняў прапанову аб злачыннай падпрацоўцы, якая паступіла ў месенджары. Па заданні куратара інтэрнэт-наркашопа ён забіраў буйныя партыі расфасаванага тавару. Далей раскладваў іх па схованках-закладках у сваім горадзе і ў сталіцы.

Па даных старшага інспектара па асаблівых даручэннях АІГС ГУУС Мінгарвыканкама Таццяны Абознай, затрыманы прызнаўся, што сам ужывае псіхатропы. Наркотык ён атрымліваў у якасці аплаты за свае паслугі. Заведзена крымінальная справа за незаконны абарот наркотыкаў з мэтай збыту. Фігуранту пагражае да 15 гадоў пазбаўлення волі.