Як расказалі ў міліцыі, супрацоўнікі БЭЗ Мінскай вобласці сумесна з ІСН і ІМПЗ выявілі нелегальнага прадпрымальніка. Устаноўлена, што 17-гадовы мінчанін у арандаваным гаражы захоўваў для наступнай рэалізацыі на тэрыторыі сталіцы і Мінскага раёна нікацінзмяшчальныя вадкасці і складовыя часткі парагенератараў. 11-класнік набыў іх праз мэсэнджар.

Пры аглядзе памяшкання выяўлена і канфіскавана звыш тысячы ёмістасцяў з вадкасцямі, а таксама каля 700 камплектуючых і аднаразовых сістэм курэння.

Складзены адміністрацыйны матэрыял. Непаўналетняму «бізнэсмэну» пагражае буйны штраф і канфіскацыя тавару.