У Мінску пачынаюць уключаць ацяпленне. Аб гэтым паведамляе БелТА.
У Мінгарвыканкаме прынята рашэнне аб уключэнні ацяплення ў спажыўцоў першай чаргі.
З 25 верасня ацяпленне ўключаюць у дзіцячых дашкольных, школьных, лячэбна-прафілактычных, медыцынскіх установах, установах сацыяльнага забеспячэння, спецыялізаваных навучальна-спартыўных установах, музеях, дзяржаўных архівах, бібліятэках і гасцініцах.
