53-гадовага мінчаніна абвінавацілі ў падбухторванні да дачы хабару асобай, раней судзімай за дачу хабару, а таксама махлярстве, учыненым паўторна.

Падсудны, будучы інструктарам па ваджэнні адной са сталічных аўташкол, прапаноўваў сваім вучням атрыманне пасведчання кіроўцы без здачы кваліфікацыйнага экзамену ў ДАІ за ўзнагароджанне, памер якога вар’іраваўся ад 500 да 1,2 тыс. рублёў. Пры гэтым інструктар не меў ніякай магчымасці аказаць дадзеную «паслугу» — грашовыя сродкі ён траціў на асабістыя патрэбы.

У выніку супрацьпраўных дзеянняў абвінавачаны атрымаў злачынны даход на суму больш за 5 тыс. рублёў.

У 2022 годзе мужчына ўжо прыцягваўся да крымінальнай адказнасці за аналагічныя дзеянні. Яму было прызначана пакаранне ў выглядзе абмежавання волі без накіравання ў папраўчую ўстанову адкрытага тыпу. У судовым пасяджэнні абвінавачаны віну прызнаў у поўным аб’ёме.

Суд Савецкага раёна г. Мінска па сукупнасці злачынстваў прызначыў абвінавачанаму пакаранне ў выглядзе пазбаўлення волі на тэрмін 6 гадоў з адбываннем у папраўчай калоніі ва ўмовах узмоцненага рэжыму са штрафам у памеры 400 базавых велічынь (1 БВ — 45 рублёў).

Акрамя таго, з абвінавачанага ў даход дзяржавы спагнана грашовая сума, адпаведная кошту маёмасці, здабытай злачынным шляхам, у памеры больш за 5 тыс. рублёў.

Прыгавор суда ў законную сілу не ўступіў, можа быць абскарджаны і апратэставаны ў апеляцыйным парадку.