Трагедыя адбылася 9 жніўня. Папярэдне вядома, што хлопчык (1 год і 9 месяцаў) знаходзіўся ў сяброўкі маці, якая даручыла прыглядаць за ім сваёй 13-гадовай дачцы. «У нейкі момант ён застаўся адзін у пакоі, узлез на падваконнік, адкрыў акно і ўпаў з вышыні пятага паверха. Ад атрыманых траўмаў дзіця памерла», — расказалі ў ведамстве. 

Паводле звестак СК, на месцы здарэння працавала следча-аператыўная група. Падчас агляду ўстаноўлена, што вокны кватэры абсталяваны ахоўнымі механізмамі ў выглядзе замка, аднак на момант здарэння яны не былі зачыненыя.

У ходзе праверкі будуць устаноўлены ўсе абставіны здарэння. Асаблівая ўвага надаецца прычынам і умовам, якія спрыялі гібелі дзіцяці.

Следчыя ў чарговы раз настойліва заклікаюць бацькоў не пакідаць малалетніх дзяцей без нагляду нават на непрацяглы час, абсталяваць усе вокны ў кватэры адмысловымі замыкалымі прыладамі і выкарыстоўваць іх па прызначэнні. Таксама важна расказаць дзецям аб элементарных правілах бяспекі.