У горадзе ўжо функцыянуе 14 лыжных трас, якія падзяляюцца на розныя катэгорыі. Існуюць прагулачныя трасы, такія як на Цнянскім вадасховішчы і ў Севастопальскім парку. Таксама даступныя трасы для аматараў і прафесіяналаў — у Лошыцкім парку, лесапарку «Мядзвежына», у Веснянцы, Чыжоўцы, на вуліцы Ваўпшасава. На Ваўпшасава і ў Веснянцы працуюць пункты пракату, дзе можна ўзяць лыжны інвентар і актыўна правесці час.

Ідзе падрыхтоўка 29 лядовых каробак і 31 хакейнай каробкі. «На гэты момант працуюць пяць закрытых лядовых і 10 хакейных каробак, якія аказваюць паслугі па пракаце канькоў, так што жыхары горада могуць пакатацца. Праз два дні на школьных стадыёнах з’явяцца лядовыя каробкі пад адкрытым небам», — сказаў Максім Варапай. 

Па ўзгадненні з МНС у горадзе арганізавалі 35 горак для катання на цюбінгах. «На іх сапраўды бяспечна бавіць час бацькам з дзецьмі. Аднак важна памятаць аб мерах бяспекі пры катанні на цюбінгах, бо гэты некіравальны сродак. Неабходна выбіраць прыдатнае месца і кантраляваць хуткасць», — падкрэсліў ён.

Максім Варапай дадаў, што аб’екты для зімовых відаў спорту будуць функцыянаваць, пакуль захоўваецца добрае марознае надвор’е. Кожнай адміністрацыі раёна даручана сачыць за іх станам.