Няшчасны выпадак адбыўся днём 16 чэрвеня ў лесе каля садовага таварыства «Геафізік» побач з вёскай Шчарбіны Мінскага раёна. Пра гэта паведамілі ў Следчым камітэце.

Па папярэдняй інфармацыі, 51-гадовы мужчына, кіруючы мотаблокам «GRASSHOPPER» з прычэпам, здаваў назад і наехаў на 7-гадовага хлопчыка.

Дзіця з траўмамі даставілі ў ДУ «РНПЦ дзіцячай хірургіі». Цяпер ён знаходзіцца пад назіраннем урачоў, пагрозы для жыцця няма.

Следчыя ўстанаўліваюць усе абставіны здарэння.