У цэнтральным рэгіёне плануецца маштабная работа па абнаўленні шматкватэрнага жыллёвага фонду. «Запланавана капітальна адрамантаваць 120 шматкватэрных жылых дамоў. Пасля капрамонту з пачатку года ўжо ўведзены ў эксплуатацыю два аб’екты, на 34 пачаліся работы», — расказалі ў ЖКГ Мінскай вобласці. 

Паралельна ў жылфондзе будзе праводзіцца замена ліфтавага абсталявання. «Плануецца замяніць 34 адзінкі ліфтавага абсталявання: дзесяць з іх у Маладзечне, сем у Мінскім раёне, па шэсць адзінак у Барысаве і Салігорску, па два ліфты ў Жодзіне і Пухавічах, а таксама адзін у Слуцку», — сказалі ў ЖКГ.