Маразы, якія ўсталяваліся, спрыяюць утварэнню на паверхні вадаёма ледзянога панцыра, што блакіруе доступ атмасфернага паветра і кіслароду, што можа суправаджацца масавай гібеллю рыбы. У некаторых выпадках зімовы замор можа быць выкліканы наяўнасцю ў вадзе вялікай колькасці гумінавых рэчываў і закісу жалеза, акісленне якіх прыводзіць да зніжэння ў вадзе кіслароду.

Да ліку эфектыўных мер па папярэджанні зімовых замораў рыбы адносіцца выраб палонак на вадаёмах. Колькасць палонак залежыць ад плошчы вадаёма і ў сярэднім складае 3-5 штук на га. Палонкі варта размяшчаць у цэнтры вадаёма і па яго перыметры, дзе глыбіня непрамерзлага пласта складае 50-60 см. Для прадухілення замярзання палонак неабходна ў іх уставіць снапы, вырабленыя з чароту, мячэўніка і іншых полых «дыхаючых» раслін або падвешваць мяшкі з соллю ў такіх палонках з разліку 5 кг на мех. 

«Калі вы выявілі заморную з’яву, то неабходна інфармаваць: у арандаваных або перададзеных у бязвыплатнае карыстанне рыбалоўных угоддзях — арандатараў і карыстальнікаў, а таксама Дзяржаўную інспекцыю аховы жывёльнага і расліннага свету пры Прэзідэнце; у рыбалоўных угоддзях фонду запасу — мясцовыя выканаўчыя і распарадчыя органы, Міністэрства прыродных рэсурсаў і аховы навакольнага асяроддзя і яго тэрытарыяльныя органы», — звярнулі ўвагу ў камітэце.