Павышэнне кошту электраэнергіі з’яўляецца сур’ёзным фактарам, які ўплывае на бюджэты хатніх гаспадарак і аперацыйныя выдаткі прадпрыемстваў па ўсёй краіне, адзначыў Чакстэ. 

Паводле яго слоў, такое рэзкае падаражэнне ўяўляе сабой комплексны ўплыў некалькіх узаемазвязаных рыначных і пагодных фактараў. Сярод іх: умовы надвор’я і аднаўляльная генерацыя, рост цэн на прыродны газ і абмежаванні ў сеткавых злучэннях. 

Чакстэ растлумачыў, што ў мінулым годзе была цёплая зіма, прыток вады быў большы, і, адпаведна, было даступна больш электраэнергіі, што выпрацоўваецца гідраэлектрастанцыямі (ГЭС). Сёлета, наадварот, халоднае надвор’е супала са зніжэннем выпрацоўкі электраэнергіі ветрам, а прыток вады на ГЭС быў значна ніжэйшы за сярэдні ўзровень. Таксама сітуацыя ўскладнялася тэхнічнымі праблемамі і рамонтнымі работамі на міжсеткавых злучэннях, што абмяжоўвала магчымасць імпарту таннейшай электраэнергіі з суседніх рэгіёнаў.

Рост цэн на электраэнергію ў краінах Балтыі таксама звязаны з тым, што Латвія, Літва і Эстонія выйшлі з энергетычнага кальца БРЭЛ, адключыўшыся ад Беларусі і Расіі ў пачатку 2025 года.