Археолагі правялі раскопкі і выявілі галоўную дарогу, якая вяла з поўначы на поўдзень, з канавай даўжынёй 1,6 кіламетра. На ёй захаваліся шматлікія паглыбленні, пакінутыя коламі вазоў. Такім чынам, археолагі знайшлі самую доўгую гарадскую дарогу з усіх раскапаных на гэтым месцы, якое было сталіцай у позні перыяд дынастыі Шан (1600 г. да н.э. — 1046 г. да н.э.).

Аб новым адкрыцці паведаміла Дзяржаўнае ўпраўленне па ахове культурнай спадчыны КНР. У ведамстве адзначылі прагрэс у рамках буйных археалагічных праектаў у Кітаі. Іньсюй — гэта ў асноўным засяроджаныя ў горадзе Аньян, што ў правінцыі Хэнань, археалагічныя помнікі позняга бронзавага веку. Яны прадстаўляюць першае задакументаванае месца знаходжання сталіцы позняга перыяду дынастыі Шан, што пацвярджаецца археалагічнымі раскопкамі і надпісамі на чарапашых панцырах і касцях буйной рагатай жывёлы. Гэта таксама руіны старажытнага сталічнага горада, на тэрыторыі якога праводзіліся самыя шматлікія і працяглыя археалагічныя раскопкі ў Кітаі.