У рамках агульнанацыянальнай праграмы па паскарэнні лічбавізацыі і інтэлектуальнай мадэрнізацыі прамысловасці ў краіне стварылі больш за 30 тысяч інтэлектуальных заводаў базавага ўзроўню. Аб гэтым сведчаць даныя Міністэрства прамысловасці і інфарматызацыі КНР, перадае «Сіньхуа».
У рамках ініцыятывы «Паступовае развіццё „разумных“ заводаў» таксама было створана 1200 інтэлектуальных прадпрыемстваў прасунутага ўзроўню і 230 інтэлектуальных заводаў адметнага ўзроўню. У міністэрстве нагадалі, што гэтае дасягненне сведчыць аб значным прагрэсе, дасягнутым у пераўтварэнні вытворчага ландшафту краіны.
У прыватнасці 230 такіх заводаў адметнага ўзроўню, якія размешчаны ў 31 правінцыі краіны, ахопліваюць больш за 80 працэнтаў вытворчых сектараў. На іх рэалізавана каля 2000 перадавых сцэнарыяў, уключаючы інтэлектуальнае складаванне, кантроль якасці з выкарыстаннем штучнага інтэлекту і лічбавыя даследаванні і распрацоўкі.
Паводле даных міністэрства, цыкл распрацоўкі прадукцыі на гэтых заводах у сярэднім скарачаецца на 28,4 працэнта, эфектыўнасць вытворчасці павышаецца на 22,3 працэнта, узровень браку зніжаецца на 50,2 працэнта, а выкіды вуглякіслага газу — на 20,4 працэнта.
Міністэрства прамысловасці і інфарматызацыі КНР сумесна з пяццю іншымі ведамствамі запусціла акцыю па паступовым удасканаленні «разумных» заводаў і падзяліла іх на чатыры ўзроўні ў залежнасці ад тэхналагічнай сталасці і глыбіні інтэграцыі, уключаючы базавы ўзровень, прасунуты ўзровень, адметны і піянерскі ўзровень.
Міністэрства заявіла аб рашэнні пашыраць у далейшым прасоўванне інтэлектуальных заводаў адметнага ўзроўню і рыхтавацца да ўкаранення перадавых тэхналогій, накіраваных на садзейнічанне пашырэнню, больш глыбокай інтэграцыі і паскоранаму развіццю інтэлектуальнай вытворчасці.
