Абазначаны прыярытэтныя задачы па далейшым паглыбленні рэформ у сельскіх раёнах, а таксама пералічаны важныя крокі, якія будуць зроблены для прасоўвання ўсебаковага ўздыму вёскі. Будучы першым палітычным дакументам, які публікуецца цэнтральнымі ўладамі КНР у пачатку кожнага года, «Дакумент нумар 1» разглядаецца як індыкатар палітычных прыярытэтаў дзяржавы.

Як адзначыў Ван Цзіньчэнь, для ўсебаковага ўмацавання асноў харчовай бяспекі Кітай прадоўжыць нарошчваць патэнцыял па забеспячэнні паставак збожжа і іншых важных сельскагаспадарчых прадуктаў. Плануецца актывізаваць укараненне інавацый у насенняводчай галіне, узмацняць абарону і паляпшаць якасць ворных зямель.

Як адзначыў прадстаўнік міністэрства, улады краіны таксама маюць намер далей замацоўваць і пашыраць вынікі, дасягнутыя ў барацьбе з беднасцю, і павышаць даходы вяскоўцаў за кошт падтрымкі развіцця ў глыбінцы індустрыі з мясцовай спецыфікай.

Падкрэсліўшы, што прамысловае развіццё — гэта найважнейшы прыярытэт у справе ўздыму вёскі, Ван Цзіньчэнь паведаміў, што Кітай прыме меры для ўмацавання галіны перапрацоўкі сельскагаспадарчай прадукцыі. Акрамя таго ён заявіў аб намеры развіваць новыя бізнес-мадэлі ў сельскіх раёнах і сельскі турызм, улічваючы рост спажывецкага інтарэсу да прыроды і народных звычаяў.