Падчас надыходзячага свята Вясны, з нагоды якога ў Паднябеснай васьмідзённыя канікулы (з 28 студзеня па 3 лютага), чакаецца значны рост як унутранага, так і выязнога турызму, перадае «Жэньмінь жыбаа» анлайн».
Як вынікае са «Справаздачы аб тэндэнцыях турыстычнага спажывання ў перыяд свята Вясны 2025 года», апублікаванай сумесна Кітайскай асацыяцыяй турыстычнага сэрвісу "CATS) і турыстычным парталам Tuniu.com, больш за 80 працэнтаў падарожнікаў плануюць сямейныя паездкі. Папулярнасцю карыстаюцца традыцыйныя культурныя мерапрыемствы, зімовыя забавы і курорты з цёплым кліматам. Лідарамі па наведвальнасці застаюцца Пекін, Гуанчжоу, Шанхай, Санья, Чунцын і іншыя буйныя гарады.
Сямейныя падарожжы стымулююць попыт на больш якасны адпачынак. За апошнія два тыдні аб’ём браніравання гатэляў высокай катэгорыі на платформе Fliggy вырас больш чым на 40 працэнтаў у параўнанні з аналагічным перыядам мінулага года. Пры гэтым самым запатрабаваным відам сямейнага адпачынку застаюцца аўтападарожжы. Па даных аналітыкі турыстычнай платформы Mafengwo, цікавасць да аўтамабільных падарожжаў павялічыўся ўдвая.
Асаблівая ўвага ўдзяляецца традыцыйным святочным мерапрыемствам пасля ўключэння кітайскага Новага года ў спіс нематэрыяльнай культурнай спадчыны ЮНЕСКА. Папулярнасцю карыстаюцца храмавыя кірмашы, народныя танцы, традыцыйныя паказы і майстар-класы па народных рамёствах.
Выязны турызм таксама дэманструе істотны рост. Акрамя традыцыйных напрамкаў, такіх як Сянган, Аамэнь, Рэспубліка Карэя і Японія, узрасла цікавасць да далёкіх напрамкаў — Вялікабрытаніі, Іспаніі, Італіі і Францыі. Па звестках Fliggy, што колькасць браніравання гатэляў, квіткоў на самалёты і іншых паслуг для замежных паездак значна перавысіла паказчыкі аналагічнага перыяду мінулага года.
Прадстаўнік турыстычнай кампаніі U-tour паведаміў, што сёлета колькасць турыстычных груп на замежныя паездкі падчас свята Вясны павялічыцца на 30 працэнтаў у параўнанні з аналагічным перыядам летась, а колькасць падарожнікаў вырасце на 46 працэнтаў. Такія напрамкі, як японскі Хакайда, Паўночная Еўропа, расійскі Мурманск, а таксама Паўднёвая Амерыка і Антарктыда, карыстаюцца высокім попытам.
Хуткі рост уязнога турызму стане адной з яркіх асаблівасцей турыстычнага рынку на свята Вясны 2025 года. Сёлета больш замежных турыстаў прыедуць у Кітай, каб адчуць зачараванне традыцыйнага свята Вясны. Як сведчаць даныя платформы Trip.com, уязны турпаток павялічыцца на 203 працэнты ў параўнанні з тым жа перыядам мінулага года. Асноўны паток турыстаў складуць турысты з Рэспублікі Карэя, Малайзіі, Сінгапура, Японіі, ЗША і Расіі. Асабліва заўважны рост колькасці карэйскіх турыстаў (на 452 працэнты) пасля ўвядзення бязвізавага рэжыму. Замежныя турысты праяўляюць цікавасць не толькі да традыцыйных славутасцяў, але і да аўтэнтычнага досведу святкавання кітайскага Новага года.
