Як адзначыў афіцыйны прадстаўнік Міністэрства камерцыі КНР Хэ Ядун, з пачатку года па ўсёй краіне былі здадзены на металалом і утылізаваны каля 170 тыс. аўтамабіляў, а амаль 650 тыс. электрычных веласіпедаў былі абменены на новыя мадэлі ў рамках праграмы трэйд-ін для спажывецкіх тавараў.

За той жа перыяд больш за 3,97 млн. спажыўцоў набылі больш за 4,87 млн. адзінак бытавой тэхнікі. Толькі з 20 студзеня па 19 лютага 26,7 млн. спажыўцоў падалі заяўкі на атрыманне субсідый на набыццё новых мабільных тэлефонаў, планшэтаў і смарт-гадзін.

Дзякуючы палітыцы, накіраванай на стымуляванне спажывання, адпаведныя галіны прамысловасці захоўваюць магутную дынаміку росту.

Як адзначыў Хэ Ядун, з пачатку гэтага года аб’ём утылізацыі аўтамабіляў па ўсёй краіне павялічыўся прыкладна на 35 працэнтаў у параўнанні з аналагічным перыядам летась, у той час як рознічныя продажы легкавых аўтамабіляў на новых крыніцах энергіі выраслі больш як на 20 працэнтаў у гадавым вылічэнні.

У пачатку студзеня Кітай аб’явіў аб шэрагу мер па пашырэнню ахопу праграмы трэйд-ін для спажывецкіх тавараў у рамках намаганняў па стымуляванні ўнутранага попыту і паскарэнні эканамічнага росту. У рамках пашыранай праграмы колькасць катэгорый бытавой тэхнікі, якія падпадаюць пад урадавыя субсідыі, была павялічана з 8 у мінулым годзе да 12 сёлета. Спажыўцы таксама могуць скарыстацца субсідыямі ў памеры да 500 юаняў на куплю лічбавых тавараў, такіх як мабільныя тэлефоны.