Чаму не едзе аўтамабіль?
Ён адзначыў, што падчас кантрольна-аналітычных мерапрыемстваў у сістэме Нацыянальнай акадэміі навук быў ускрыты шэраг карупцыйных праяў. У прыватнасці, у Аб’яднаным інстытуце машынабудавання НАН Беларусі. Яны звязаны з распрацоўкай электрамабіля.
— Намеснік дырэктара прапанаваў дырэктару схему абагачэння, калі частку грошай, якія выдаткоўваліся на распрацоўку электрамабіля, выплачвалі дзевяці супрацоўнікам. Потым палову забіралі і дзялілі паміж чатырма: дырэктарам, яго намеснікам, галоўным бухгалтарам і эканамістам, пры гэтым ільвіную долю забіраў сабе намеснік дырэктара. Але гэтага аказалася мала: зараблялі на пастаўках абсталявання, у прыватнасці, калі закуплялі электрабатарэю, кошт якой 60 тысяч, сказалі дадаць яшчэ. Калі тэма з электрамабілем сябе вычарпала, прыдумалі новую схему — па распрацоўцы вадародных сілавых установак, і рабілі тое ж самае, — расказаў Васіль Герасімаў, дадаўшы, што выкрыты і іншыя факты, якім цяпер даецца ацэнка.
Навука «адкатаў»
Выяўлены злоўжыванні і ў іншых установах Акадэміі навук, напрыклад, у НВА «Цэнтр».
— Дырэктар аднаго з філіялаў плаціў за пратэжыраванне дырэктару, сам у сваю чаргу браў адкаты ад пастаўшчыкоў. Адметна, што раней ён узначальваў іншы філіял і быў асуджаны за хабар, — прывёў прыклад Васіль Герасімаў.
У Інстытуце біяхіміі біялагічна актыўных злучэнняў НАН Беларусі была наладжана прыкладна такая ж схема: быццам бы рабілі навуковую распрацоўку, выплачвалі прэміі, частку грошай потым забіралі назад. Але і гэтым «вынаходствы» кіраўніцтва навуковай установы не абмежаваліся.
— Быў заказ, які яны перазаказалі гродзенскаму медуніверсітэту, якому заплацілі 20 тысяч, а сабе забралі — 168 тысяч, — расказаў Васіль Герасімаў.
Выяўлены шэраг карупцыйных парушэнняў нават у дзіцячым аздараўленчым лагеры «Фатон», уласнікам якога з’яўляецца Акадэмія навук. Для таго каб ажыццяўляць будаўнічыя работы, будаўнікі павінны былі заплаціць адкаты дырэктару лагера. Усім выяўленым фактам даецца прававая ацэнка.
Алена КРАВЕЦ.
