Урыбэ Турбай перанёс некалькі аперацый пасля нападу, аднак выратаваць яго не ўдалося. 39-гадовы сенатар памёр раніцай 11 жніўня пасля двух месяцаў, праведзеных у рэанімацыі. 

Замах на Урыбэ Турбая адбыўся ў сталіцы Калумбіі падчас яго ўдзелу ў перадвыбарным мерапрыемстве 8 чэрвеня. Палітык атрымаў агнястрэльнае раненне ў галаву. Улады заявілі, што стралок быў затрыманы. Як пазней паведамілі СМІ, напад на кандыдата ў прэзідэнты ўчыніў 15-гадовы падлетак.