Паводле звестак, у розных аварыях і інцыдэнтах, выкліканых дажджамі, загінулі сама меней пяць чалавек.

Падтапленне ў паўднёвай і цэнтральнай частках горада парушыла рух транспарту, а таксама работу прыгарадных цягнікоў і метро. У некалькіх нізінных раёнах горада вада трапіла ў дамы і пашкодзіла маёмасць. Некалькі школ аб’явілі аб канікулах з-за дажджу.

Вядучыя індыйскія авіякампаніі Air India і IndiGo выпусцілі апавяшчэнне для пасажыраў, папярэдзіўшы аб магчымых затрымках рэйсаў. На здымках з аэрапорта, якія распаўсюджваюцца ў інтэрнэце, відаць затапленне ўзлётна-пасадачнай паласы.

Мясцовы гідраметцэнтр паведаміў, што лівень стаў вынікам з’яўлення зоны нізкага ціску над Бенгальскім залівам. Згодна з прагнозамі, у бліжэйшы час дажджы ў рэгіёне прадоўжацца.