«Наледзь і ледзяшы, якія звісаюць з дахаў, уяўляюць сабой сур’ёзную пагрозу для мінакоў і могуць прывесці да траўмаў. На дапамогу камунальным службам прыходзяць работнікі МНС», — адзначылі ў гарвыканкаме. Так, сёння ў абласным цэнтры задзейнічаны спецыяльная тэхніка і 29 байцоў, якія займаюцца ліквідацыяй небяспечных утварэнняў на дахах. Вопыт і прафесіяналізм ратавальнікаў дазваляюць эфектыўна і бяспечна вырашаць гэтую задачу.

Ратавальнікі таксама заклікалі жыхароў быць асцярожнымі і ўважлівымі ва ўмовах зімовай непагадзі. Неабходна пазбягаць знаходжання пад будынкамі з небяспечнымі ўчасткамі, дзе могуць звісаць ледзяшы або падаць кавалкі лёду. «Бяспека грамадзян — гэта прыярытэтная задача, і сумесныя намаганні МНС і камунальных службаў накіраваныя на яе забеспячэнне», — дадалі ў гарвыканкаме.