Людзі ва ўмовах імклівага развіцця штучнага інтэлекту і рабатызацыі грамадства не стануць «машынамі», разуменне, што значыць быць чалавекам захаваецца. Пра гэта заявіў высокі прадстаўнік генеральнага сакратара ААН па Альянсе цывілізацый, спецыяльны пасланнік па барацьбе з ісламафобіяй Мігель Анхель Марацінас, паведамляе ТАСС.
Паводле слоў Марацінаса, сёння духоўнасць людзям як ніколі неабходна, таму што яна частка чалавечай прыроды. «Нават калі чалавек — атэіст, у яго ёсць этыка, разуменне, што значыць быць чалавекам. А зараз, на фоне імклівага развіцця штучнага інтэлекту, рабатызацыі грамадства, у людзей з’яўляецца адчуванне, што яны становяцца машынамі. Але гэта не так. Мы не машыны. Мы людзі, са сваім розумам, верай, маральнымі прынцыпамі. І менавіта таму рэлігія вяртаецца — у новай якасці, у новым выглядзе. Яна патрэбна нам, таму што дапамагае захоўваць унутраную раўнавагу», — сказаў ён.
