ВУП нашай краіны вырас на 1,5 % у студзені — кастрычніку 2025 года. На гэта звяртаюць увагу аналітыкі ў штотыднёвым макрааглядзе Еўразійскага банка развіцця.
— Спажывецкая і інвестыцыйная актыўнасць працягвае падтрымліваць пашырэнне эканомікі, — акцэнтавалі аналітыкі банка. — Рознічны тавараабарот павялічыўся на 7,7 % года да года.
Пашырэнне інвестыцый у асноўны капітал склала 13,2 % года да года. Выпуск у сельскай гаспадарцы аднавіўся да ўзроўню студзеня — кастрычніка 2024 года.
У ЕАБР звярнулі ўвагу на той факт, што вытворчасць у прамысловасці ва ўмовах астуджэння попыту з боку Расіі працягвае зніжацца.
— Дзякуючы павышанаму ўнутранаму попыту чакаем больш высокіх тэмпаў росту па выніках 2025 года, — спрагназавалі аналітыкі.
