Мужчына быў вымушаны звярнуцца па генетычную экспертызу, каб даказаць бацькоўства ў адносінах да дзіцяці. Як устаноўлена, ён доўгі час жыў з беларускай, у 2009 годзе ў пары з’явілася дзіця. «Выбранніца, якая з’яўлялася грамадзянкай Рэспублікі Беларусь, нарадзіла дзіця на сваёй радзіме. Графа „бацька“ запоўненая са слоў маці, паколькі маладыя людзі пражывалі разам, але афіцыйна ў шлюбе не былі», — адзначылі ў абласным упраўленні ДКСЭ.

Жанчына памерла. «Трагічныя падзеі, якія адбыліся ў сям’і ў канцы 2025 года, патрабавалі пацвярджэння роднасных сувязяў паміж мужчынам і дзіцем, улічваючы, што апошняе — непаўналетняя асоба. У такім выпадку ў рамках судовага разбору патрабавалася генетычная экспертыза», — падкрэсліла афіцыйны прадстаўнік.

Пры правядзенні даследавання эксперты ўпраўлення Дзяржаўнага камітэта судовых экспертыз па Брэсцкай вобласці пацвердзілі бацькоўства мужчыны. Вынікі экспертызы сталі падставай для прыняцця рашэння ў рамках грамадзянскага судаводства.

«Часцяком па генетычную экспертызу звяртаюцца грамадзяне з мэтай даказаць бацькоўства або мацярынства з прычыны адсутнасці дакументаў, якія пацвярджаюць сваяцтва. Як правіла, гаворка ідзе пра сітуацыі, калі пара не знаходзіцца ў шлюбе або роды адбываюцца па-за сценамі ўстановы аховы здароўя», — растлумачылі ў абласным упраўленні ДКСЭ.