У Брэсце цёпла і пад акампанемент аркестра з Днём Перамогі павіншавалі ветэрана Вялікай Айчыннай вайны Пятра Светкіна. Мінулым летам яму споўнілася 100 гадоў.

Пётр Міронавіч разам з жонкай паслухалі папуры з песень Вялікай Айчыннай вайны, а таксама «Дзень Перамогі» ў выкананні ўзорнапаказальнага аркестра Брэсцкай пагранічнай групы.

Падлеткам Пётр Светкін пачаў працаваць рабочым на ваенным заводзе ў Саратаве, дзе рабілі артылерыйскія снарады. Праз два гады юнака прызвалі на фронт, ваяваў на тэрыторыі Еўропы, на Усходзе. Ветэран узнагароджаны ордэнам Айчыннай вайны другой ступені, медалямі «За перамогу над Германіяй», «За перамогу над Японіяй». З моманту заканчэння вайны прайшоў 81 год, але Пётр Міронавіч ясна памятае падзеі тых гадоў.

«Эмоцыі перапаўняюць. Ніколі я не думаў, што так буду сустракаць гэтае свята. Тады Перамозе мы радаваліся тры дні, крычалі „Ура“, стралялі. І падумаць не мог, што ў старасці мяне будуць наведваць столькі людзей. Дзякуй за гэта. Абавязкова 9 Мая пайду ў Брэсцкую крэпасць, заўсёды хаджу».

У Мінску віншаванні са святам прымалі ветэраны Вялікай Айчыннай вайны Ніна Пашкоўская, якой у жніўні споўніцца 102 гады, і Зінаіда Маёрава, для якой 9 Мая двайное свята — Дзень Перамогі і 101-ы дзень нараджэння.