Для ўдзельнікаў свята будзе разгорнута выстаўка кніжных навінак ад беларускіх выдавецтваў. Бібліятэкары наладзяць экскурсію з наведваннем інфармацыйна-краязнаўчага цэнтра «Гісторыя роднага краю». Бярэзіншчына — унікальная літаратурна-краязнаўчая старонка. Тут нарадзіўся вядомы празаік, паэт-сатырык, аўтар многіх кніг Міхась Пянкрат. У вёсцы Паплавы доўгі час жыў і працаваў дзіцячы пісьменнік Рыгор Ігнаценка, творы якога знайшлі сваё месца ў школьнай праграме. Бярэзіншчына — радзіма рускага паэта і празаіка Уладзіслава Арцёмава. У Беразіно зараз працуе празаік член Саюза пісьменнікаў Беларусі Алесь Бычкоўскі. 
Арганізатары запланавалі і правядзенне круглага стала «Сучасная беларуская кніга: прыярытэты кнігавыдання і прапаганда». Таксама ў межах праграмы фестываля пройдуць сустрэчы пісьменнікаў са школьнікамі горада і раёна, чытачамі раённай бібліятэкі. 

Мікола Берлеж