У Беларусі красоверы паступяць у продаж ужо 17 верасня. Навінка атрымала абноўлены інтэр’ер і надзейнае спалучэнне атмасфернага матора з класічнай каробкай-аўтаматам. Аўтамабіль будзе прадстаўлены ў камплектацыі Standard, у якую ўвайшлі скураныя сядзенні, стыльныя 16-цалевыя дыскі і з дзясятак разумных памочнікаў.
Новую версію BELGEE X50 ужо вырабляюць пад Барысавам. Да 17 верасня аўтамабілі паступяць у дылерскія цэнтры. Пакуль жа дзейнічае перадзаказ. На аўтамабілі чакаецца высокі попыт.
У новы BELGEE X50 убудаваны атмасферны чатырохцыліндравы бензінавы рухавік аб’ёмам 1,5 л. Такім жа абсталяваны гарадскі седан BELGEE S50. Магутнасць матора — 122 к. с.
Аўтамабіль вяртаецца ў тым самым упадабаным дызайне. Даўжыня красовер складае 4330 мм, шырыня — 1800 мм, вышыня — 1609 мм, а колавая база — 2600 мм. Унутры — сучасны інтэр’ер з прадуманай эрганомікай і багажным аддзяленнем на 330 л.
Новая версія BELGEE X50 выходзіць на беларускі рынак з адной камплектацыяй. У «базу» ўвайшлі 16-цалевыя дыскі з лёгкага алюмініевага сплаву, электронная рулявая калонка з узмацняльнікам, пярэднія вентыляцыйныя тармазныя дыскі і заднія дыскавыя тармазы. У салоне — скураныя сядзенні, 8-цалевы дысплей, USB-парты, Apple CarPlay і Bluetooth.
Кіроўцу дапамагаюць смарт-асістэнты: сістэма дапамогі пры тармажэнні, кантролю цягі і ўстойлівасці, дапамогі ў гару і пры спуску, круіз-кантроль, а таксама антыблакіровачныя сістэмы ABS і EBD. Прадугледжаны заднія парктронікі і камера задняга віду. Прысутнічаюць электронны стаяначны тормаз і функцыя Auto Hold.
Мадэль будзе адаптаваная да беларускага клімату: прысутнічаюць абаграванні зоны спакою шклоачышчальнікаў, фарсунак амывальніка лабавога шкла, рулявога кола, а таксама падагрэў пярэдніх сядзенняў.
Новая версія BELGEE X50 прадстаўлена чатырма колерамі кузава: крыштальна-белы, серабрысты металік, шэры металік і блакітны металік.
У цяперашні час брэнд BELGEE развівае ў Беларусі чатыры мадэлі: седан S50 і тры розныя красоверы — гарадскі X50+, сярэднепамерны Х70 і гібрыдны X80 PHEV. Усе мадэлі выкананы па высокіх сусветных стандартах якасці і адаптаваныя да беларускіх зім. Магутнасці прадпрыемства СЗАТ «БелДжы» дазваляюць выпускаць да 120 тыс. аўтамабіляў у год.
