Памер дапамогі пры доглядзе аднаго непрацаздольнага будзе складаць 100 працэнтаў бюджэту пражытачнага мінімуму і складзе 509,62 рубля (па 31 ліпеня). Памер дапамогі пры доглядзе двух і больш непрацаздольных складзе 120 працэнтаў бюджэту пражытачнага мінімуму і складзе 611,54 рубля (па 31 ліпеня).

Каб атрымаць назначэнне, неабходна звярнуцца ў службу «Адно акно» мясцовага органа ўлады або ва ўпраўленне па працы, занятасці і сацыяльнай абароне па месцы жыхарства чалавека, які мае патрэбу ў доглядзе. Пры звароце неабходна падаць заяву, дакумент, што засведчвае асобу, працоўную кніжку заяўніка, медыцынскую даведку аб стане здароўя заяўніка, якая пацвярджае адсутнасць псіхіятрычнага і наркалагічнага ўліку, заключэнне ўрачэбна-кансультацыйнай камісіі аб наяўнасці патрэбы ў пастаянным доглядзе.

Бацькі, дзеці, муж або жонка, апекуны (папячыцелі) людзей з інваліднасцю I групы або асоб 80 гадоў і старэйшых могуць працаваць і атрымліваць дапамогу па доглядзе, калі яны гэта робяць па працоўным дагаворы на ўмовах няпоўнага рабочага часу (не больш за палавіну нармальнай працягласці рабочага часу сумарна) або зарэгістраваны ў якасці індывідуальнага прадпрымальніка і не ажыццяўляюць дзейнасць у сувязі са знаходжаннем у працэсе спынення дзейнасці або дзейнасць якіх прыпынена.

Дапамога па доглядзе назначаецца з дня падачы заявы.