Новыя тарыфы на перавозку пасажыраў чыгуначным транспартам агульнага карыстання гарадскіх ліній устаноўлены ў Беларусі. Адпаведная пастанова Міністэрства антыманапольнага рэгулявання апублікавана на Нацыянальным інтэрнет-партале, паведамляе АНТ.
Згодна з дакументам, перавозка пасажыраў у межах аднаго тарыфнага пояса будзе каштаваць 2 рублі.
У межах двух тарыфных паясоў па адным маршруце перавозка абыдзецца ў 2,55 рублі, па двух маршрутах — 4 рублі.
Калі перавозка ажыццяўляецца ў межах трох тарыфных паясоў па двух маршрутах, то яе кошт складзе 4,55 рублі. Перавозка па двух маршрутах у межах чатырох тарыфных паясоў — 5,10.
«Перавозкі пасажыраў чыгуначным транспартам агульнага карыстання на гарадскіх лініях у межах чатырох тарыфных паясоў па двух напрамках (маршрутах) пры ўмове сумяшчэння такой перавозкі з перавозкай пасажыраў аўтобусамі ў звычайных рэгулярных і (або) хуткасных рэгулярных зносінах і (або) гарадскіх электрычных транспартам, аўтобусамі і (або) метрапалітэнам з выкарыстаннем смарт-карты (тэрмінам дзеяння на 3, 5, 10 і 30 сутак (з любой даты)) каштуе 2,55 рубля», — пазначана ў дакуменце.
