Згодна з пастановай Савета Міністраў, здача экзамену прадугледжана для шэрагу прафесій і спецыяльнасцяў, пры працаўладкаванні па якіх патрабуецца пацвярджэнне ведаў адной з дзяржаўных моў. Падобная практыка шырока ўжываецца і ў іншых краінах. Экзамен шмат у чым падобны з цэнтралізаваным тэставаннем, але праводзіцца ў больш спрошчанай форме.

— Гэта гарантыя для дзяржавы, што тыя грамадзяне, якія будуць працаўладкоўвацца, змогуць спакойна мець зносіны і выконваць свой службовы функцыянал, не будзе ніякіх камунікатыўных бар’ераў, — падкрэсліў Андрэй Іванец.

Экзамен будзе праходзіць двойчы на месяц на базе шасці рэгіянальных універсітэтаў, уключаючы Мінск, дзе пляцоўкай выбраны Беларускі дзяржаўны ўніверсітэт замежных моў. Для забеспячэння аб’ектыўнасці заданні плануюць дастаўляць непасрэдна перад пачаткам іспыту і распячатваць толькі ў аўдыторыях. Праверка будзе ажыццяўляцца па адзіных ключах.