Беларусі ўстановяць патрабаванні па абароне інфармацыі пры аказанні аўдытарскіх паслуг для шэрагу арганізацый. Адпаведную пастанову Савета Міністраў «Аб абароне інфармацыі пры аказанні аўдытарскіх паслуг» падпісаў Прэм’ер-міністр Аляксандр Турчын. Аб гэтым БелТА паведамілі ў прэс-службе ўрада.
Пастанова падрыхтавана ў мэтах рэалізацыі норм закона ад 14 ліпеня 2025 года нумар 95-З «Аб змяненні закона Рэспублікі Беларусь «Аб аўдытарскай дзейнасці».
Дакументам прадугледжваецца вызначэнне пераліку арганізацый, пры аказанні аўдытарскіх паслуг якім будуць асаблівасці ў частцы забеспячэння дадатковай абароны інфармацыі, устанаўленне патрабаванняў па абароне інфармацыі пры аказанні аўдытарскіх паслуг арганізацыям, уключаным у названы пералік, надзяленне Мінфіна паўнамоцтвамі па вызначэнні аўдытарскіх арганізацый, аўдытараў — індывідуальных прадпрымальнікаў, якія дапускаюцца да аказання аўдытарскіх паслуг арганізацыям, уключаным у пералік.
