Сацсеткі — гэта не крама!

Заканадаўствам Рэспублікі Беларусь гандаль у Instagram, TikTok ці Telegram забаронены.

• Легальная інтэрнэт-крама павінна мець сайт у даменнай зоне .by, зарэгістраваны ў афіцыйным рэестры.

• У апісанні профіля (Bio) абавязкова павінны быць пазначаны УНП, юрыдычны адрас і даныя пра дзяржаўную рэгістрацыю.

• Калі гэтых звестак няма — перад вамі «старонка-прывід».

Топ-схемы махлярства да 14 лютага:

1. «Кветкавы палон» і «Танны iPhone»:

• Сцэнарый: Вас просяць унесці 100 % перадаплату або «забраніраваць тавар» пераводам на картку фізічнай асобы.

• Вынік: Пасля пераводу вас проста заблакіруюць. Памятайце: афіцыйная крама прымае аплату праз банкаўскі эквайрынг або АРІП на разліковы рахунак юрыдычнай асобы.

2. Фэйкавая дастаўка і фішынг:

Вам дасылаюць спасылку на «афармленне дастаўкі» праз «Белпошту» або «Еўрапошту». Сайт выглядае як сапраўдны, але як толькі вы ўвядзеце даныя карткі, махляры спішуць усе зберажэнні.

3. Блакіраванне Apple ID:

Махляры прапануюць «выйграць» iPhone, але просяць увайсці ў іх Apple ID на вашай прыладзе для «праверкі». У выніку ваш тэлефон дыстанцыйна блакіруюць і патрабуюць выкуп.

Каб не стаць ахвярай махляроў:

• Ніякіх перадаплат на карткі фізічных асоб.

• Адмова ў магчымасці самавывазу = махлярства.

• Правярайце каментарыі: калі яны закрыты — гэта зроблена спецыяльна, каб схаваць скаргі ашуканых людзей.

Калі вы сталі ахвярай кіберзлачынцаў, неадкладна блакіруйце картку і тэлефануйце па нумары 102.