Дакументам зацверджаны статуты адміністрацый СЭЗ «Брэст», «Віцебск», «Гомель-Ратон», «Гроднаінвест», «Мінск», «Магілёў». У статутах замацаваны мэты дзейнасці і функцыі гэтых устаноў, паўнамоцтвы іх органаў кіравання, правы па распараджэнні маёмасцю і даходамі, урэгуляваны пытанні ліквідацыі ўстаноў.

СЭЗ з’яўляецца часткай тэрыторыі Беларусі з пэўнымі межамі, у межах якой адносна рэзідэнтаў СЭЗ устанаўліваецца спецыяльны прававы рэжым для ажыццяўлення інвестыцыйнай і прадпрымальніцкай дзейнасці. Такія зоны ствараюцца для садзейнічання сацыяльна-эканамічнаму развіццю Беларусі і асобных адміністрацыйна-тэрытарыяльных адзінак, прыцягнення інвестыцый у стварэнне і развіццё экспартна арыентаваных і імпартазамяшчальных вытворчасцей, заснаваных на новых і высокіх тэхналогіях, і (або) у іншых мэтах, што вызначаюцца пры стварэнні СЭЗ.

Пастанова набывае моц з 14 лістапада.