Дакумент уступае ў сілу з 21 студзеня.

Рэгулююцца адносіны па арганізацыі камерцыйных перавозак грузаў юрыдычнымі асобамі незалежна ад формы ўласнасці, ІП і фізічнымі асобамі, устанаўліваюцца патрабаванні ў дачыненні да асобных відаў грузаў. Пад дзеянне правілаў не падпадаюць: судны, плывучыя аб’екты, базы для стаянкі суднаў Узброеных Сіл, органаў пагранічнай службы, унутраных войскаў МУС, дзяржаўнай бяспекі, Дзяржаўнай інспекцыі аховы жывёльнага і расліннага свету пры Прэзідэнце, падраздзяленняў і арганізацый сістэмы МНС, АСВОД. Вызначаны парадак афармлення перавозак грузаў, запаўнення дакументаў, падачы заявак на перавозку, маркіроўкі, пламбавання суднаў і кантэйнераў, вызначэння масы грузаў. 

Што датычыцца правілаў перавозак пасажыраў і багажу, то іх дзеянне не распаўсюджваецца на перавозкі: спецыяльнага прызначэння і службовыя перавозкі для ўласных патрэб; выконваюцца пасажырскімі суднамі для забеспячэння абараназдольнасці, правапарадку і ліквідацыі надзвычайных сітуацый. 

Заключэнне дагавора перавозкі пасажыра засведчваецца білетам, а на турысцкіх і экскурсійна-прагулачных маршрутах — пуцёўкай. Здача багажу засведчваецца выдачай багажнай квітанцыі. Калі іншае не ўстаноўлена заканадаўствам, то тарыфы вызначаюцца перавозчыкам. 

Шэраг ведамасных пастаноў прызнаецца страціўшымі сілу. Прававы акт прыняты ў адпаведнасці з Кодэксам унутранага воднага транспарту Рэспублікі Беларусь.