Створаная сумесна з вядучым расійскім распрацоўшчыкам сродкаў абароны інфармацыі, яна зойме важнае месца ў сферы падрыхтоўкі беларускіх IT-спецыялістаў.
Плануецца, што на базе новай пляцоўкі будуць праходзіць навучанне студэнты і магістранты кафедры абароны інфармацыі, курсанты ваеннага факультэта спецыяльнасці «Інфармацыйная бяспека», а таксама слухачы курсаў павышэння кваліфікацыі пры Інстытуце інфармацыйных тэхналогій Беларускага дзяржаўнага ўніверсітэта інфармацыі і радыёэлектронікі. Лабараторыя пашырыць экасістэму па падрыхтоўцы спецыялістаў па інфармацыйнай бяспецы на базе БДУІР, у прыватнасці, пашырыць пералік праграмнага забеспячэння, што выкарыстоўваецца ў навучальным працэсе, сертыфікаванага Аператыўна-аналітычным цэнтрам пры Прэзідэнце Рэспублікі Беларусь — рэгулятарам у сферы тэхнічнай і крыптаграфічнай абароны інфармацыі.
Акрамя навучальнага працэсу, лабараторыя стане пляцоўкай для практычнай падрыхтоўкі да кібервучэнняў і выканання навукова-даследчых работ, накіраваных на развіццё сучасных метадаў і сродкаў абароны інфармацыі.
Аміна НАЗАРАВА
Фота з адкрытых крыніц
